A decana da Facutade de Fisioterapia Dra Mª Luz González Doniz, xunto co presidente do Colexio de Fisioterapeutas de Galicia (CoFiGa) e a decana da Facultade de Fisioterapia da Universidade de Vigo, participou o sábado, 5 de marzo, no Pazo de Fonseca da Universidade de Santiago de Compostela (USC), no acto de lectura do Manifesto “As respostas están na Ciencia” (ligazón), no que As Academias, os Colexios Profesionais Sanitarios e as Facultades de Ciencias de Sanitarias de toda Galicia renovan públicamente o seu compromiso coa cidadanía galega na procura da calidade, a equidade e a excelencia nos servizos relacionados coa saúde.
Nel salientouse o importante esforzo da investigación de tódalas ramas da ciencia, tanto en Galicia como a nivel español e internacional, por mor da pandemia COVID19, que nunha labor titánica está a conseguir resultados fundamentais para o seu control. Rexeitan, así mesmo, de forma unánime as tentativas de desinformación á poboación xurdidos nesta dura etapa e ofrecen un recoñecemento e homenaxe pública a todos os profesionais sanitarios e cidadáns que sufriron as consecuencias da mesma.