O profesor da Facultade de Fisioterapia D. Francisco J Blanco García recibe a Medalla Ángeles Alvariño González da sección de Bioloxía e Ciencias da Saúde da Real Academia Galega de Ciencias, en recoñecemento a súa traxectoria consolidada en investigación no ámbito da reumatoloxía. O reitor da Universidade da Coruña D. Ricardo Cao, a decana da Facultade de Fisioterapia, Dna. Sonia Souto e a directora do Departamento de Fisioterapia, Medicina e Ciencias Biomédicas, Dna. Ana Lista acompañaron ao profesor Blanco durante o acto académico de entrega do galardón, celebrado con motivo do Día da Ciencia en Galicia, o día 8 de outubro no Pazo Fonseca de Santiago de Compostela, xunto con outras autoridades académicas das tres universidades galegas, representantes do goberno, familiares e amigos.
No mesmo acto recibiron a medalla outras duas profesoras da UDC, Dna. Mª Carmen Veiga, do Centro Interdisciplinar de Química e Bioloxía (CICA), e Dna. Nieves Rodríguez, do Centro de Investigación TIC (CITIC). Dende a Facultade de Fisioterapia querémoslle trasladar os nosos parabéns por ter obtido tan relevante distinción.